Khliehriat: Ka seiñ Meghalaya People’s United Front (MPUF) ynne da lai e yarap ko da ki tin sap yung wa u khoo cha kawi ka manyung ka Tang Dkhar ha chnong Lumchyrmit kawa haap hapoh ka Sanshnong, East Jaiñtia.
Kani ka manyung em ko soo ngut ki khon wa kynthup ya 2 ki chynrang wa 2 ngut ki kynthai wei neidaw wa ban i dooh ymye kani ka manbei wow pynlai skur ya kini ki khon.
Chwa wow e yarap da em ka yalang wa tbian wa pynlai da u President ka MPUF-East Jaiñtia u Michal Chyrmang wei da yoh yei klam na uwi na ki dkhot waheh ka Sanchnong Unit, u Scientist Sana, u Juni Phawa, u President ka Central Governing Body u D. Wanmi Laloo wa na u Waheh Chnong ka chnong Lumchyrmit, u Riling Rasmut.
Neiliang ka Tang Dkhar da joo umkhmat ko wow yoo yeini i wan e yarap ka seiñ ya ka manyung yong ka.
Ka seiñ da kyntu ko leh ya kiwa mihkhmat ka thaaiñ wow pait neibynta i bha i miat kiwa dooh wa duk.
Discussion about this post