Ki result ka sngi wa le ka Subroto Cup ha Jowai

Jowai : Ka Inter School Football Tournament ka wow jied yow yoh u mihkhmat ya ka jylla ynne ka sngi da poi ko cha ka sngi wa le wei da em biang 5 tylli ki yakhun ha pyrdi ki 10 tylli ki skur. Ynne ka sngi leh da pynyaleh ya ka Under 17 ha madan Kiang Nangbah Stadium.

Ha ka yalehke wa nyngkong ha pyrdi ka North Liberty HS School pyrchah ya ka Ladthadlaboh UP School ka Ladthadlaboh da jop ko da 9-0. Ya kini ki kool da thap da u Toni Talang ha ki minit wa 8, 23, wa 47, u Arsi Tariang da thap u ar tylli ki kool ha ki minit wa 24 wa 56, u Simion Suchaing da thap u le kool ha ki minit wa 33, 49 wa 60 wa chi kool na u Da-oo-i Syngkon ha ka minit wa 59.

ADVERTISEMENT

Ha ka yalehke wa ar ka Government Boy’s HS School da yachem ko wa ka Sohkha HS School. Ka Government Boys’ da jop ko da 5-0.  Ya ki kool yong ka Government Boys’ da thap da u Juhhi Langshiang ha ka minit wa 8, u Lalmausawma Tariang ha ki minit wa 18 wa 35, u Edyfuson Manner (Own Goal) ha ka minit wa 28 wa na u Raymond Dkhar ha ka minit wa 60.

Ha ka yakhun wa le won ha pyrdi ka Jowai RMSA Secondary School wa ka Ummulong Presbyterian HS School, ka Ummulong da jop ko da 2-0. Ya kini ki kool da thap da u Khatlekiroi Pala ha ka minit wa 22 wa na u Donbok Lyngdoh ha ka minit wa 52.

Related posts

Psiah Semi ka Semasi ha ka 1st Division ka SBSA, khlem em wa jop ha ka Super League

October 15, 2026

Psiah Quarter ka Lumshnong ha ka 1st Division, khlem wa jop ha ka Super Division ka EJHDFA

October 15, 2026

Ha ka yakhun wa soo da yachem ka Pdengshakap Secondary School pyrchah ya ka Moodymmai Secondary School, heiwa ka Pdengshakap da jop ko da 2-0. Ya kini ki kool da thap da u Dilan i Mulad ha ka minit wa nyngkong wa na Laitluiti Nongrum ha ka minit wa 43.

Ha ka yakhun wa khaddooh ha pyrdi ka Sawlyngdoh HS School pyrchah ya ka Mookyndur Sec. School da kut ka yaleh ke deiwa neh mar ar kool. Da rai ya kiwa jop da ka Tie-Breaker heiwa ka Sawlyngdoh da jop ko da 7-6.