Ka Ministry of HRD da hukum ko ya ka UGC, AICTE, NTA, NIOS, CBSE , NCTE wa waroh ki Autonomous Organisation hapoh ka chnat wow pyndam chipor ya waroh ki Exam hadooh 31 Wisu (March) 2020 kam ka laad wow yada na u Novel Coronavirus (COVID-19).
Ya ini da leh khnang wow yada ya ki khynnah kiwa yaleh ya ki exam waphær waphær kamjooh leh kiwa sikai wa ki manbei manpa ki khynnah.
Kamtæ ka Ministry of HRD da pynmih noh ko ya kani ka hukum:
1. Waroh ki Exam u kyrriah tarik noh hadien ka 31 Wisu wei kini u kynthup ki ya ka CBSE NIOS wa ki Exam ki skurbah (University).
2. Waroh ki Evaluation toh u pynman hadien ka 31 tarik.
3. Neidaw wa ka Exam JEE emkaam ko wa ki khynnah u uiñ u lai u mih ki wei ye ko wow takhooh sngi wa ka exam CBSE wa kiwi ki board exams, kamtæ ka JEE mains u man ko hadien ka 31 tarik hadien wa pait lut yei man i long (reassessment of situation).
Waroh ki thaw puræ wa ki Board Exam da kyntu ya ki wow e yutip ya ki khynnah dei langær kamjooh ya kiwa sikai lyngba ka Electronic Media khnang wa ki khynnah, kiwa sikai wa ki manbei manpa ym klumar ki.
Da kyntu leh ya ki thaw puræ wow booh ya ki Helpline Number/email heiwa ki khynnah u ye ki u yoh yutip.
U montri ka HRD ka sorkar pyrdi, u Ramesh Pokhriyal ‘Nishank’ da kyntu u ya ki khynnah, kiwa sikai wa ki manbei manpa wymtoh u hæ-rngu næ tieñ ki neibhah ka chnat pyrkhat ko yei chait i khiah ki khynnah wa i bha i miat yong ki neibynta i puræ puthi.
Discussion about this post