Ka Dorbar Chnong Shella ryngkat wa ka ka Lafarge Umiam Mining Pvt Ltd (LUMPL) kam chibynta i krehlang wa ki bor sorkar hajrong i yada na u khñiang Covid-19 wei wow sikai ya kiwa chong chnong hajrong i kaamram wow yada na uni u khñiang da pynman ya i biah Poster (Poster Campaign) ha waroh 10 tylli ki Kher (Dong) hapoh chnong.
Kani man ko kam chibynta wow pynsñiawthooh ya waroh hajrong uni u khñiang wei kammon u leh wei kammon wow kiar khnang wow yada na uni u khñiang.
Ka Dorbar lyngba i pynbna paidbah hapoh chnong da kyntu leh ya waroh kiwa chong chnong wow bood bait ya ki kyndon wa da booh da ki chnat ki bor sorkar kiwa da pynbna neipor cheipor kam ka laad yada na uni u khñiang.
Da pynbna paidbah leh wa katni chipor da pynsangeh chwa ya waroh ki yalang, ki Dorbar wa Committee hapoh chnong kiwa haap wow pynlang paidbah.
Da kyntu leh ya waroh wow man ki kiwa syndong wow pyntikna wa ym poor uni u khñiang wei wow dam noh u em ki bru wa wan na baar jylla wa na baar ri chapoh ka chnong.
Neiliang ki bor chnong da ong ki wa daw krehlang ki wa ki bor District hajrong ini i kaam wa kiwi kiwi.
Discussion about this post