Ka Italy man ko ka ri kawa da chah ktah joor dooh ha ka khlam u COVID-19 heiwa du ynnin hapoh 24 kynta da yap 683 ngut wei wa kini, waroh kiwa da yap na uni u khñiang da kynjoh i cha ka 7,503 ngut iwa da tam yaka China kamjooh da jan boon kiwa yoh kjut bar yaka China.
Ha ka 21 tarik kiwa yap da em ki 793 ngut, ha ka 22 tarik da yap 650 ngut, ha ka 23 tarik da yap 602 ngut, ha ka 24 tarik da yap 743 ngut.
Ka Civil Protection Agency ka ri, da ong ko leh wa waroh kiwa da yoh ya uni u khñiang hapoh ka ri da em ki 74,386 ngut wei hadooh ynnin kiwa da chait namo kiwa da chah sumaar da em ki 9,362 ngut.
Ka thaaiñ Lombard ka Italy toh kawa da chah ktah bha heiwa kiwa da yap da em ki 4,474 ngut katwa kiwa da yoh ya uni u khñiang won 32,346 ngut.
Discussion about this post