Maham u DC ka East Jaiñtia ya ki dukan wa dai syad dor ya ki mar

Khliehriat: U Deputy Commissioner (Supply), East Jaiñtia Hills District, Khliehriat da pynbna paidbah u wa lada chem ya kiwon kiwon kiwa dai mar baam wa ki pharmacy (dai dawai) kiwa dai næ pynku dor kam heini i por wa em ka khlam u COVID-19 daw pynchitom ya ki katkam ka aiñ.

Ya kam kini ki bru daw pynchitom katkam ki kyndon ka ka Essential Commodities Act 1955.

Kamtæ da kyrpaad ya ki paidbah wow man ki kiwa husiar wei lada chem ya kiwon kiwon kiwa tyngkheiñ ya ki kyndon wow ujor chakhmat chirup wa ka Cash Memo/Receipt næ kiwon kiwon ki sabut cha u Deputy Commissioner (Supply), Khliehriat khnang wow kem wei wow pynchitom ya ki.

Lada em won ki dukan ki wym booh ya ka Price-cum-Stock Board leh toh u pyntip cha kani ka yung krehkaam khang wow ye u leh yeiwa emkaam.