Chimkhia ka LJP-Meghalaya wow thoh cha u Modi heiyatoh wa i eh i khoo wa chem kiwa khih mylla sngi

Ka Lok Janshakti Party (LJP) Meghalaya ynnin da thoh ko cha u montri rangbahdooh ka ri, u Narendra Modi hajrong i sñiawkhia wa chah ktah kiwa khih mylla sngi, kiwa seiñ khih yong ki hi wa kiwi kiwi heiyatoh wa ka Lockdown.

Ha ka dorkhat wa da thoh ka LJP, u State President u Jamil Ahmed da ong u wa katkam wa man hi kiwa boon toh kiwa dooh wei kiwa khih mylla sngi.

Da ong u wa kani ka Lockdown daw ktah ko chiboon ya ki paidbah neibhah boon na ki da sdang chah ktah bha i yoh i la yong ki kam wow su bai yung, wow su tulop, su bai bordiñ, su dan, wa kiwi kiwi.

Chooh chooh da ong u wa kam ha kini ki por wa khang, ka bai bordiñ yaki dukan dukdoh namo ki Commercial Electricity Bills u daiñ mar chiteiñ (Half) ka bai bordiñ neibynta le bnai wow wan neibhah ki dukan wa ki karkhana khian.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Waroh ki kisti cha ki bank toh u pynsangeh 6 bnai khlem kheiñ ya ka sut (Interest) namo u daiñ kuna lada slem u su ya ka (Delayed Payment).

Ya ka Provident Fund wa ka ESIC ki wakreh toh u bahkhlieh da ka sorkar neibynta 6 bnai, wei ka Property Tax neibynta u snem 2020-21 toh u pynduna ya ka.

Chooh chooh da ong ko wa ka sorkar jooh wyrai ko ya ki warep heipor wa raw namo chlai um katwa kamtæ da emkaam wow map noh ya ka ram yong ki.