Tooid ki paidbah cha Iawmusiang, ym bna wow jngai uwi na kawi

Jowai: Ynne i step nadooh i por kamwa 8:00 waje da sakhi yei wan ki paidbah da ki hajar ngut wow wan thied mar na Iawmusiang hadien wa pynbna ki bor District wow wai ya ki dukan dai mar baam.

Ki bor ka District, ynnin ka sngi da pynbna ki wa ki dukan dai mar baam u wai ki nadooh 9:00 i step hadooh 5:00 i janmiet.

Ki paidbah ym em de u bood ki ya ki buit ka sorkar wow jngai ki iwi na iwi namo ka Social Distancing kawa yarap wow lait nei poor u khñiang COVID-19 neibhah da yajan ki wow thied ya ki mar wa emkaam ki.

Ki bor pulit kamjooh ki dkhot ka Dorbar Chnong Iawmusiang wa ki Volunteer ka sorkar da yaleh ki katwa ye u pynlai bait ya i rukom yang pali ki paidbah tangwa ki paidbah ym em mano ki yeini deiwa yatia bait cha ki dukan.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da em leh ki thaw kiwa da sakhi yeiwa bood ki paidbah ya ki kyndon wow bood iwi ya iwi wow yang ya ka pali yong ki wow thied ya ki mar yong ki.

Neiliang ki bor District dei langær pynbna ki wow yajngai iwi na iwi wei wow man ki paidbah kiwa yaichah.

I rukom wai yaw ynne ha Jowai da chynna wa lada wai hi yaki thaw wa man yaw da eh wow pynbait yei lai i yieñ ki paidbah wow bood ki yaka Social Distancing hawa waroh waroh ya wan ha i jooh i thaw. Kamtæ ya ki thaw man yaw ym toh u wai ki wei toh u wai ha ki jar jiar ki dong chnong yow yabhah yaki bru ha ki jar jiar ki dong yow duna leh i em ki bru ha i jooh i thaw dei wym chah ya kiwa na kiwi ki dong wow lai thied ki na kiwi ki dong.

Hawa wai dukan ha ki dong toh u jied jar jiar ki sngi ym toh u wai waroh ki dong haka jooh ka sngi i wow pynsuk wow khang ya kiwa wan na kiwi ki dong. Kiwa pynlai chnong hadooh ki pulit leh ym chitom ki wow pynbait ya i wan thied mar ki paidbah manda wai ar le tylli ki dong haka chi sngi deiwa pyntikna wa kini ki dong ya jngai ki kawi na kawi.

Deiwa kheiñ leh yei boon ki bru ha ki jar jiar ki dong, ye leh wow kheiñ hadooh katwon emkaam mar, iwa ki Wholesaler ye ki wow pynbiang ya ki mar wa emkaam yow im (Essential Commodities) kam u khoo, phñiang, blooh, piat, chini wa kiwi kam kini ki mar.

Yaki jhoor i doh, ye u pynbiang won da iwi deiwa chah u dai hi cha ki jar jiar ki dong deiwa booh da ki sngi wa i por wei wow pyntikna ini waroh toh u leh da iwa leh khooid.