Ka Jaintia Youth Federation (JYF) Central Body, ynne ka sngi hadien wa da yoo yei wan tooid ki paidbah na kylleiñ soodong ki chnong ki thaw cha Iawmusiang, Jowai wa cha Iawthymme, Ladthadlaboh, da dap ko dei phylla wow yoo yei wan tooid ki paidbah hadooh wa ki bor wa toh u pait ym ye de ki wow kdooh u khoom yei ya lum ki paidbah chi thaw hadooh wow pynkhrehkaam yaka Social Distance ka wow hap jngai chi meter uwi na kawi.
Kamtæ ka JYF sñiaw ko wa emkaam wow pynpoi yaki marbaam mardih ha man ki chnong ki thaw, ki dong wa haap hapoh ka ri-loom Jaiñtia. Deiwa pyrchang ya kini ha wah:
Da kyntu ya waroh kiwa pynbiang pyndap (Supply) ya ki mar ki mata wow pynpoi ki ha man ki chnong.
U ya krehlang kiwa Supply tiar wa ki waheh chnong, waheh dong.
Hap pyntip paidbah chwa wow dai tiar.
Lada em wa chim kabu wow dai palat ya i dor wa da booh, hap pyntip cha ki bor chnong wa ki bor sorkar.
Ya ki chnong wa em hajan Jowai, ye ki wow wan thied na Iawmusiang wa na kiwi ki dukan hapoh Jowai.
Hap e laad u thied tiar la kammon kammon arsien chi tayaw.
Ya ki kari ym toh u pyllait heijooh i por. Toh u em da por yow lait u boon bru.
Da kyntu leh ya ki paidbah wa ym hoi u chimkabu ki. Lada em wa tyngkheiñ aiñ, toh u pynsaja katkam i kyndon ka aiñ.
Ka kyrwoh na u O. L. Tariang, President JYF –Central Body.
Discussion about this post