Neiliang i yong ka Muster Roll, Wage Earners Employees, Consumer and Thrift Co-operative Society Ltd, Jowai, da yaleh ko kat i bor iwa ye ko, yow yarap da ki marbaam heidor iwa hawah i dor yaw, du ya ki wakreh Muster Roll, ki MDM Cooks, kiwa mylla sngi, kiwa duna wa tymbuiñ. Tangwa, iwa sñiaw diaw wara ki toh wa da boon ki wakreh mylla da sdang ki u dooh khoo, dooh marbaam wa neidaw ym em poisa de u thied wa da syad u khoo ki marbam ha yaw ha haat.
Kamtæ neiliang yong kani ka Co-operative Society dang yaleh chitom ko u thooh ki laad ki luti yow ye u pynbiang ya ki marbaam yow lait kiwa mylla sngi u chah thngan, kamwa man kattæ i eh da sdang i u mih khamtam wa ki marbaam da ku dor bha ki ha ka yaw ha haat khamtam wa ya u khoo wa dai khutia ym yoh de, kani da ktah joor bha ko ya kiwa duna wa tymbuiñ ha ri-loom Jaiñtia.
Kamtæ, lada ka sorkar jylla da thmu sakhiat ko u yarap ya ki wakreh mylla, da toh u pynsmat ko u e noh ya ini i yarap makna kam u khoo, i blooh, u salah, u piat, lyngba ki thaw e rachon wa na kani ka Co- operative Society lada yoo biang ko, ha kawa ki wakreh mylla sngi, kiwa chet ja sngi ka Mid Day Meal, kiwa yoh poisa su hadien ki palat ynru bnai wa da dep kreh ha ka sorkar ha ri-loom Jaiñtia man ki kam ki dkhot ha kani ka Co-operative Society.
Kyrmen ki wa u ap u pynkrehkam u Conrad Sangma u Chief Minister wa ki man heh man haiñ ha Secretariat ha ka sorkar jylla u pait ki khmat ki, u pynjrong ki ya ki kti ki yong ki cha kiwa duna wa tymbuiñ, yow dam noh ka chah banbeiñ ka chah yoo beiñ yow ye u ya biang u ya kdang lang ki khon ki kti ki yong ki wakreh mylla sngi, kiwa duna i yoh.
Ka kyrwoh khubor na Dayoo Ïakai, Secretary Muster Roll, Wage Earners Employees, Consumer & Thrift Co-operative Society Ltd. Jowai.
Also Read: Da wai yaka dukan dai tiar baam ki wakreh Muster Roll wa kiwa chet ja sngi
Discussion about this post