Jowai: Ka seiñ Lechka Fishing Association ha kani ka 27 tarik uni u bnai heipor kamwa 1:00 i sngi da kem ko ya ki 7 ngut ki damok kiwa tynyap khiar ya ki dakha ha Wah Lamu (Lechka).
Kini ki 7 ngut da pynemkaam ki da ki dawai Tulia, Kharu wa kiwi kiwi heiwa da tynyap leh boon tylli ki dakha nadooh kiwa khian hadooh kiwa heh.
Neiliang ka seiñ ha kani ka kynti da daiñ kuna ko ya kini ki damok hadooh T. 40,000 wei ya kani ka poisa da ekti cha ki bru kiwa pyntip cha ka seiñ hajrong ini i kaam wa leh kini ki damok.
Kini ki 7 ngut toh kiwa na chnong Suchen Mulieh wei kani man ko katkam wa pyntip da u President ka seiñ, u E. Lyngdoh.
Discussion about this post