U Deputy Commissioner (Supply) ka West Jaiñtia Hills da pynbna u wa ym pu ye u wai yaki yaw ki haat hapoh ka West Jaiñtia Hills District. Tangwa kat ya ki dukan Fair Price Shop namo ki dukan rachon u chah u wai ki man ka sngi nadooh ka 31-03-20 nadooh 9:00 waje i step hadooh 12:00 waje pyrdi sngi yow pynsuk yaki paidbah katwa ya kiwi ki dukan ym chah u wai ki kamni.
Ya kiwi ki dukan dai mar baam (Essential Commodities) daw chah u wai ki ha waroh ki dong ki chnong ka Jowai kamjooh kiwi ki chnong wa em ha West Jaiñtia Hills du haka sngi Monday, Wednesday wa Saturday nadooh 9 waje i step hadooh 12 waje pyrdi sngi. Kini ki dukan toh du kitu kiwa da jied da ki jar jiar ki dorbar chnong wow chah u wai yow pyndap ya iwa emkaam ki paidbah kiwa dai nadooh ki jhoor, soh, doh, wa kiwi ki jait baam.
Ki waheh chnong deiwa ya krehlang wa ki pulit ka District daw pynbait ki yei rukom krehkaam kini ki dukan ha ki jar jiar ki chnong ki thaw yow pyntikna leh wa bood yaki kyndon wada booh ka chnat Health & Family Welfare Department wow ya jngai uwi ya kawi namo ka Social Distancing yow yada na u COVID-19.
Ki Distributor wa Wholesaler da chah yaki wow pynpoi ki yaki mar cha ki dukan wa da jied donhi wei yeini ye ki wow leh haka sngi Tuesday, Thursday, wa Friday hapoh ka West Jaiñtia Hills District. Waroh ki Wholesaler wa kiwa dai toh u booh ki yaki Daily Stock & Sale Register deilang wa i pyrtuid dukan wa i thaw wa em i dukan.
Da pynkynmoo biang wa waroh ki yaw ki haat u man ki kiwa khang.
Da kyrpaad yaki paidbah wow yajngai ki ym duna yaka 1 meter uwi na kawi, ym toh u ya chlong ha kawi ka dukan wei wow ya krehlang waki bor District, pulit wa kiwa pynlai chnong.
Da pyntip leh wa biang hi em Stock ki mar wei ym toh u khuslai.
Discussion about this post