Jowai: Ynne ka sngi ki Dorbar Chnong waphær waphær ka Jowai da pynkhreh ki ya ka Social Distancing namo wow yajngai iwi na iwi ha ki dukan wa daw wai ha jar jiar ki chnong yong ki.
Kam wow pynkynmoo heini ki dukan wa ki dukdoh hapoh ki chnong waphær waphær ka Jowai u wai ki mynstep ka 1 tarik nadooh 9:00 i step hadooh 12:00 chiteiñ sngi.
Kini ki dukan toh kiwa da jied da ki dorbar chnong wow dai mar-baam neibynta ki paidbah ka chnong wei hajan kini ki dukan da liar ya ki thaw wow yieñ ki bru wow yajngai ki iwi na iwi.
Neiliang ki bor ki chnong leh daw booh ki leh ya ki bru (Volunteers) wow pait wa ym mih i awri næ i yaknieh ya ki mar.
Discussion about this post