Heini i por wa em ka Lockdown ha ri waroh kawi boon ki khynnah kiwa puræ ha kylleiñ ki jylla ka ri wei boon na kini ki khynnah toh da chem chitom ki kam hei chah yoobeiñ wei klambeiñ ha ki tre dukan namo ki bru cha kinin ki thaw (poh dkhar) kam ha Mysore, Karnataka ha ka 28 tarik uni u bnai.
Neiliang u montri rangbah ka jylla, u Conrad K Sangma leh da pynsñiaw u yei sñiawkhia hajrong ini i chah yoobeiñ chah klambeiñ.
Neiliang won ka ABVP Karnataka Unit da chimkhia ko ya ini i rukom lehbeiñ ki tre dukan ya ki khynnah ka thaaiñ mihsngi, ka ABVP leh da ujor ko da ka FIR pyrchah kini ki tre dukan wa ki 4 ngut kiwa embynta lang ha ka 29 tarik uni u bnai.
Kamtæ ka ABVP da chim ko ha kti yong ka wow sumaar u pyndap pynbiang ya kini ki khynnah.
Heiyatoh wa ki 28 ngut ki bru wa kynthup ya ki 11 ngut ki khynnah kiwa sahkut ha khappood (Border) ka Tiau Bridge yong ka jylla Mizoram wa ka ri Myanmar da pynlait ya ki wei da khang-kset (Quarantine) ya ki ha DPRC House, Keifangthanlang ha Champai DC Complex.
Ka ABVP Meghalaya da chimkhia ko neibynta ki khynnah Class X, XI wa XII deiwa sdang ko ya ka Online Math’s Class. Ka Video yong ka Online Class daw Upload man ka sngi haka ABVP Meghalaya Facebook Page heiwa ki khynnah ye ki u kylli yeiwa ym sñiawthooh ki deiwa Comment ki ha ka Video wa da Upload.
Da saam (Circulate) leh ya ka General Helpline Number ha ka kyrdan National Level wa ha ka jylla (State Level).
Ka ABVP da kular ko u yarap ya ki khynnah puræ kiwa kynjoh ktien (Contact) ha ki number wa da booh.
Ini toh katkam wa pyntip ka State Secretary ka ABVP Meghalaya, ka Darilin Tang wei ya ki yutip wa bniah ye u yoh deiwa phone ha u Number 7005436106 namo 7627981505.
Discussion about this post