Ka Village Defence Party (VDP) Ladrymbai Dongwah EJHD da khang pyrchah ko ya ki baar chnong wow psiah chapoh u pood u ang ka chnong kam chibynta i krehlang wa ka sorkar India kam Heini i por kamwa da pynbna da u montri rangbahdooh ka ri India.
Ka chnong ym khang ko ya ki bru sorkar kiwa lai wa wan kiwa embynta hei wow yaleh pyrchah ya u khñiang kjut COVID-19.
Neiliang ka VDP da kyrpaad ko ya ki paidbah wow ya krehlang ki waka chnong deiwa neh ha ki jar jiar ki yung kam chibynta wow yaleh thma ya uni u khñiang kjut hadooh wa yoh bor naka sorkar wow leh da iwi.
Chooh chooh ka chnong da khang pyrchah ko ya ki baar chnong wa ym hoi de u mih ki cha sarok næ cha dong cha chnat yong ka chnong, ym chah de wow wai waroh ki dukan hapoh chnong, lada ka chnong chem ko ya kam kini ki bru, daw pynchitom ko ya ki katkam ka aiñ chnong namo deiwa phah kem cha ki bor yong ka aiñ.
Da pyntip leh wa ka dorbar chnong da booh ko leh ya ki Volunteer wow paitbniah ya i lai i wan ki bru kiwa na baar deiwa kyrpaad leh ya ki paidbah wow krehlang khnang wow jop ya ka thma pyrchah ya uni u khñiang COVID-19.
Discussion about this post