U Deputy Commissioner ka West Jaiñtia Hills District da pyntip u neidaw wa ku syndet kiwa yoh COVID-19 hapoh ka jylla Asam wei hanla da pynkrehkaam yaka Lockdown, ki kari na Assam wa psiah chapoh ka District em bait ki.
Kamtæ, u DC hapoh ka Section 144 Cr.PC deilang waka Regulation 3 ka Meghalaya Epidemic Diseases, COVID-19 Regulation da pynmih u ya kini ki hukum ha wah:
- Waroh ki sarok Inter-State ka PWD, PMGSY, MGNREGS, ki sarok chnong, ki sarok piadbah wa kiwi ki jait sarok u man ki kiwa da khang sbak.
- Yaki kari wa wan na kiwi ki jylla u khang lut lait noh ki yong ka FCI, ki Oil Tanker, LPG Tanker, kiwa kit dawai wa kiwi ki mar wa emkaam heiwa da e bor da ka chithi yaka luti wa toh u lai ki.
- Waroh ki Car Pass wa da e bor wow wanrah mar-baam (Essential Commodities) khamtam u jhoor na Assam wa na u pood Assam-Meghalaya man ki kiwa da pyndam (ki Car Pass).
- I lai waroh ki jait kari hapoh ka jylla na kawi ka District cha kawi u pynduna noh ki.
- Yaki jhoor kattu u lai thooh, u kit, u li booh; u leh du da ki iTEAM-1917.
Da phah leh ya waroh ki waheh chnong kiwa em cha khappood Meghalaya-Assam wow hukum ya waroh kiwa chong chnong yong ki wym toh u kaap pood ki cha Assam yow lai thied mar-baam nadooh ki jhoor wa kiwi kiwi.
Da khang leh wow yachem namo wow e sñiawbha cha kiwon kiwon ki Donation Agency khlem da yoh bor na u BDO lane u DC.
Lada emkaam yarap heiyatoh wa ki mar-baam ha kini ki por wa em ka Lockdown ye wow pyntip cha ki jar jiar ki BDO waki Gramsevak/Sevikas yow leh ki yeiwa emkaam.
Da hukum leh wa ki bru ym toh wow mih ki na yung ki khlem da tymmoh yei ktien wei khmut da ki that kamjooh ym toh wow mynthu kat cha wa yoh wei wow pynjoor ki yei sait kti.
Discussion about this post