Ki karkhana wa pynlai da ka sorkar namo ki Defence Public Sector Undertakings (DPSUs) chirup wa ka Ordnance Factory Board (OFB) hapoh ka chnat yada ri namo ka Ministry of Defence (MoD) da sdang ki u kreh wow pynmih ya ki tiar wow yaleh pyrchah ya ka khlam u COVID-19.
Heiyatoh wa ki thaw sumaar, kaOFB da pyrkhat ko wow chna 280 tylli ki pyllong wa kyrpang namo ki Isolation Beds ha ki 10 tylli ki Hospital wa em ha 6 jylla ka ri. Kini ki thaw sumaar u em ki ha Vehicle Factory Jabalpur, Metal and Steel Factory Ishapore (West Bangal), Gun and Shell Factory Cossipore (West Bangal), Ammunition Factory Khadki (Maharashtra), Ordnance Factory Kanpur (Uttar Pradesh), Ordnance Factory Khamaria, Heavy Vehicle Factory Avadi (Tamil Nadu) wa ha Ordnance Factory Medak (Telangana).
Ka Hindustan Aeronautics Limited (HAL) Bengaluru da booh ko ya ka Isolation Ward wa em 3 pyllong ha ka Intensive Care Unit wa 30 pyllong ha ki Ward. Da booh leh ya i yung wa em 30 tylli ki kamra wei ha waroh ye u sumaar hadooh 93 ngut ki bru ha kani ka thaw ka HAL.
Ka OFB da chna wei da phah ko 50 tylli ki yung Specialised Tent neibynta wow sumaar ya kiwa yoh COVID-19 kamwa da emkaam da ka sorkar ka Arunachal Pradesh.
Ki sabon-um sait-kti namo ki Hand Sanitiser da chna ya ki katkam ki kyndon ka WHO wa da chna da ka OFB. Da yoh hadooh 13,000 litre na ka HLL Lifecare Limited (HLL), kawa man ka agency wa thung da ka sorkar pyrdi. Da em 1,500 litre ki sanitiser wei ha ka 31 Wisu, 2020 na ka Cordite Factory Aruvankadu (Tamil Nadu). Sa ar tylli ki karkhana kam ka Ordnance Factory (OF) Itarsi (Madhya Pradesh) wa ka OF Bhandara (Maharashtra) da man ki wa da pynkhreh wow pynmih ya kini ki sabon-um. Kini ki karkhana ye ki u pynmih 3000 litre ha ka chi sngi.
Ki tiar (sula) yada na u COVID Protective Equipment (Coverall and Masks) neiliang ki karkhana ka Ordnance Equipment Factories wa em Kanpur, Shahjahanpur, Hazratpur (Firozabad) wa Chennai da sdang ki wow chna ya kini ki tiar (coverall & masks). Da chna leh ya ki Special Heat Sealing Machines wow chna ya kini ki tiar (sula) yada.
Ka Factories Board hadien wa kyrpaad ko ya ka Defence Research & Development Establishment, Gwalior da yoh ya kini ki tiar yada wei dang sylli (test) ya ki ha Gwalior. I sylli ya ki mask dang leh da ka South India Textile Research Association (SITRA) Coimbatore. Ka OFB da booh thong ko wow chna hadooh 5,000-6,000 tylli kini ki tiar yada ha ka chi tayaw. Da em leh 3 tylli ki kor wa da chna da ka SITRA wow sylli ya kini ki tiar.
Heiyatoh wa ki Ventilator neiliang ka Bharat Electronics Limited (BEL) da wan ko chaphrang hadien wa kyrpaad ka Ministry Health and Family Welfare wow chna hadooh 30,000 tylli kini ki Ventilator neibynta ki ICU ha kini ki 2 bnai wow wan. Ya kini ki Ventilator da chna pynwandur da ka Defence Research & Development Organisation DRDO wei da pynjanai ya ki da ka M/s Skanray, Mysore, ya kawa da krehlang waka BEL wei neiliang ka Ordnance Factory, Medak da chimkti wow chna ya ki Ventilator wa thut neibynta ki Hospital ha Hyderabad.
Discussion about this post