Jowai : Ka seiñ Hynniewtrep Youth Council (HYC) ynne ka sngi hadien wa da yachem ko wa u Montri ka jylla wa pait ya ka tnat puræ puthi u ma R.C. Laloo da pynsniaw ko cha oo yei ieh i khoo yong ka Kiang Nangbah Government College hanlada wa da ye ko u chakri ya ka jaitbru da boon snem khamtam ya ki wa wan na ki yung wa dooh katwa katdang lai ki snem ka yukit yong ka heiyatoh wow chakri ya ki khynah pure dang joor i duna i.
Kamtæ ka sein HYC-WJH da yoh ko boon i ujor na ki spah ngut khamtam kiwa kwah u psiah cha ka class XI katwa boon na ki chah kyntait ki ha ka. I daw wa kwah ki u psiah ha kani ka thaw puræ toh wa kani ka thaw puræ man ko du ka donhi ka college sorkar kawa ye u pynbiang yei emkaam ki khynnah pure, tangwa man ko leh kam ka thaw wa pyndooh mynsien ya kiwa thrang khamtam kiwa dooh wa duk ki wym ye u lai cha ki thaw puræ samen(private college).
Kamte da kyrpad ya uni u montri yow pdiang lut ya waroh kiwa chah kyntait katwa ye wa lah ha uni u snem.
Heijooh i por da yaklam leh ya ka Schloarship yong ki khynnah neibynta u snem 2014-15 wa u snem 2015-16. Heiwa neiliang u Montri ka pure puthi u R.C. Laloo da ong u wa hadien ka sorkar bei da pyllait ko yong u snem 2015-16 katwa ya u snem 2014-15 kawa da poi hadooh 35 klur tam ka sorkar bei dang pyllait ko du 4 klur tam donhi.
Katwa kamtae neiliang ka seiñ da dawa ko yaka sorkar jylla yow thooh ko ya ki laad ki luti yow pyllait noh neibynta u snem 2014-15.
Da kyntu ka sein na uni u montri hei yatoh weini heiwa da kular u leh wow leh yeini, wei ka seiñ leh da e buit ko yow chna da ka “ Special Package” heiyatoh wa ka Scholarship lyngba ka DoNER.
Ka sein leh da kyntu ko ya waroh ki seiñ saiñ hima watoh ymhoi u pait chilliang khmat ki hei yatoh weini i wow ktah ya ka mynstep mankawi ki khynnah khynroo waroh.
Discussion about this post