Khliehriat: U Deputy Commissioner ka East Jaiñtia Hills District da pyntip paidbah u wa kam wow khang yei poor ka khlam u COVID-19 wei wow bood ya ki kyndon wa booh ka sorkar heiwa emkaam wow pynpoi ya ki mar wa emkaam cha ki paidbah.
Kamtæ da jied noh sa ar tylli ki thaw wow dai ya ki mar wa emkaam ki wow wai ha ka Thohdieñ (Friday) ka 10 tarik nadooh 10:00 i step hadooh 2:00 i sngi.
Kini ki thaw wow wai toh ha Sohkymphor Pohmission, Sohkymphor wa ha Lad Lakadong, Lakadong, East Jaiñtia Hills.
Da kyntu ya ki chnong wa yajan wa kini ki thaw wa thymme wow thung ya ki VDP/Youth Volunteer wow phah cha ki thanat wa haap ko wow yarap ya ki pulit wow pynkrehkaam ya ka Social Distancing heipor wa wai kini ki dukan.
Emkaam leh wow pyntikna ki wa ymhoi u man ki paidbah kiwa kuhæ namo kiwa tieñsar heipor wa thied mar ki wei wow chah samen na kawi pa kawi ka manyung.
Waroh kiwa chong dai emkaam wow jngai ki 4 meter na iwi pa iwi ha ki thaw wa dai mar ki, da khang leh wow dai palat ya i dor yaw namo ka Normal Market Price wei ye ki u kheiñ tam T.1 kam ka bai kit mar.
Da phah leh ya kiwa dai wow booh ya ki thaw noh jhep wei wow pynkhooid ya ka thaw dai kamjooh leh wow wan poi 9:00 i step chwa wow sdang wai 10:00 i step.
Da kyntu ya ki paidbah wow man kiwa lehkhooid wei wow sait-kti ki dei langær.
Discussion about this post