Ka West Jaiñtia National Council (WJNC) da i sñiawkhia neibynta ki paidbah kiwa em hapyrdi i eh wa khroo ha kam ini i por kawa ka ri waroh kawi em ko hapoh ka Lockdown, neibynta wow yada na i poor u khniang COVID-19.
Ka seiñ ynnin ka sngi hapoh i yahkhmat yong u President u Kitborlang Dkhar, deiwa emlang kiwa yahkhmat ka WJNC-Iooksi Circle, ka seiñ da hiar ko cha ki 4 tylli ki chnong kiwa kynthup yaka Biar, Khonchnong, Shaphai wa Iooksi, West Jaiñtia Hills District, wow saam khoo cha ki kattu katni ki manyung kiwa dooh.
Ha kani ka sngi, ka WJNC da saam ko 5 kilo u khoo cha kawi kawi ka manyung wa em 16 yung ha Shaphai, 10 yung ha Iooksi, 6 yung ha Biar wa 13 yung ha Khonchnong. Ha kani ka sngi da synranlang yaki dkhot yong ka WJNC daki pulit, yong ka Shaphai Out-Post.
Ha iwi won i liang, ka seiñ kyntu ko yaki bru samen, kiwa mihkhmat, ki Balang ki waphær waphær wa ki seiñbhalang wow mih ki chakhmat wow yarap cha kitu ki manyung mansem kiwa emkaam sakhiat ya i yarap.
Discussion about this post