Ka Dorbar Chnong Chiehruphi deiwa ya krehlang waka VDP ka chnong, kam ka dak wow ya krehlang wa ka sorkar yow yada nei poor u khñiang khlam COVID-19, da khang wym chah de ya ki bru kiwa na baar chnong wow psiah ki chapoh i chnong i thaw, khlem da yoh bor na u waheh chnong.
Da kyntu leh ya kiwa chong dukan wow bood ki ya ka kyndon wow ya jngai uwi na uwi (Social Distancing) hawa wan thied wan pet ki ya ki maar ki mata ha ki dukan ki dukdoh.
Kamtæ ka chnong da kyrpaad ko ya waroh wow yakrehlang waka wei ya kiwa leh pyrchah daw pynchitom ya ki katkam ki kyndon ka chnong wei daw ekti leh ya ki cha ki bor ka aiñ.
Kani u krehkaam ko nadooh wa pynmih ya ka hadooh wa pynbna deiwi tawon.
Ini man i katkam wa pyntip u Minot Sympli uwa man u Waheh Chnong wa u Teilang Suting uwa man u Secretary ka chnong.
Neiliang ka Dorbar Chnong Shnongrim, East Jaiñtia Hills leh da khang ko ya kiwon kiwon kiwa chong chnong wow mih ki cha baar ka chnong.
Da khang leh ya kiwon kiwon kiwa na baar chnong wow psiah ki chapoh ka chnong.
Discussion about this post