U waheh chnong ka Umrasong kawa em ha East Jaiñtia Hills u Marius Tlang da e sñiawbha u da u khoo wa ki jhoor cha ki 100 tylli ki yung, 50 yung ha Umrasong wa 50 yung ha Mynkre.
Ini i e u toh da ki mar wa rep hi u ym toh da kiwa thied na yaw na haat.
Ha chwa wow saam, da ong u wa oo ym toh uwa mahajon hanla kamtæ leh ym ye de u wow pait ya ki lok wa chem chitom khamtam ha kam ini i por wa khang chnong (Lockdown) neibynta wow yada na u khñiang khlam COVID-19 uwa da poor ha kylleiñ ki ri.
“Ini da pynman ko ya nga wow pyrkhat kamni, hanla ym ye O wow e chiboon, da e bait katwa ye O wow yarap,” da ong u Marius Tlang.
Da kyrpaad u leh ya kiwa chong chnong wa ym toh u sñiaw ki iyi iyi neidaw wym ye u wow e chiboon, wei da kyrpaad u leh yaki wow kohngooh yaki aiñ ki kyndon wa booh da ka sorkar heiyatoh wa i bha i miat yong waroh lang khamtam ha kini ki por.
Deilang wa u waheh chnong ka Mynkre u Raimon Sympli da saam lang u ya ini cha kiwa chong chnong Mynkre.
Neiliang yong ki paidbah waroh da e ki yei yaroh, wei dap ki dei kmen ya kini ki waheh chnong kiwa da chynna jngai khamtam ha kini ki por wa chem chitom, wei da wan sakhi ya ini da kiwa yahkhmat Balang wa ki dkhot chnong.
Discussion about this post