Jowai: U B.K. Ryngkhlem uwa naka chnong yong ka Wapung Chnong, East Jaiñtia Hills District, dei mynsien wa sñiawkhia hajrong i chah ktah wa joor yong kiwa boon ki manyung mansem wa dooh wa duk, kiwa chong wasah ha ka dong Yong Ryngkhlem Shwar, Wapung Chnong neidaw wa em kani ka kjut khlam u COVID-19, haka 4 tarik uni u bnai dei mynsien sñiaw-wyrai da e yarap kyllooid mynsien u yaki kattu katni tylli ki manyung kamwa hadooh 550 kilo u khoo wa kiwi tawon ki mar baam.
Ha kani ka dong da em kamwa 56 tylli ki manyung wa dooh kiwa da yoh yarap na u B.K. Ryngkhlem wei chwa u saam ya ki mar baam da yoh i klam tbian na u waheh chnong Wapung Chnong, u Mutlang Dkhar, i ngooh Blai na u Secretary ka dong.
Yei rukom e yarap da pait leh katkam i boon bru ha kawi pa kawi ka manyung.
Neiliang u B.K. Ryngkhlem da ong u wa oo toh u bru wa sbun wei nalor wa yarap u ya kiwa dooh wa duk, jooh yarap u leh ya ka kur ka jait ha kiwon kiwon ki bynta wa emkaam yarap.
Neiliang u Ryngkhlem da ong u leh wa daw pteiñ chooh chooh u yei yarap khamtam cha kiwa chem chitom ha kam kini ki por, neibhah em boon ki manyung kup chiliang sem chiliang kiwa im na kti ha ktien da chah ktah joor ki neidaw ka khang chnong wow yada na kani ka khlam u COVID-19.
Discussion about this post