Ynne ka sngi neiliang u Deputy Commissioner ka West Jaiñtia Hills u Dykes LSN Garod da pyntip u wa katkam ka yutip wa em ha ki bor ka District da em 173 ngut kiwa khih mylla kiwa neh hapoh ka District nadooh wa pynkreh ya ka Lockdown ha waroh kawi ka ri.
Da pyntip u wa boon na kini kiwa khih mylla toh kiwa na jylla Assam wa na Bihar.
Kam wow pynkynmoo heini ka chnat kaam pohyung ka sorkar pyrdi namo ka Ministry Of Home Affairs da hukum ko ya waroh ki jylla wa ki bor District wow khang yei liwan yung ki wakreh mylla wei wow pynbiang ya ki thaw sah kamjooh i baam ya ki.
U Garod da pyntip u leh wa kini waroh em ki ha ki thaw kreh ki yong ki hi wei ya ki mar baam neibynta yong ki da pynbiang da kiwa e kreh (Employer) yong ki.
Discussion about this post