Kam chibynta wow pyntikna wa poi ki mar wa emkaam ha waroh kawi ka ri, neiliang u Union Home Secretary, u Ajay Kumar Bhalla da thoh u cha waroh ki Chief Secretary ki jylla wow chimkhia wa biang kini ki mar wei wow pynkrehkaam ya ki kyndon ka aiñ Essential Commodities (EC) Act 1955.
Kini ki kyndon krehkaam kynthup ki wow pynbait ya i em mar (stock limits), i dor, wow pynku ya i pynmih mar, wow sylli ya ki kot ki sla kiwa dai, wa kiwi kiwi.
Heiyatoh wa duna kiwa khih mylla (labour) ye u mih boonjait ki kaam wa man pyrchah ya ka aiñ iwa ye u pynku ya ki i dor kini ki mar, kamtæ da kyntu ya ki sorkar jylla wow pyntikna ki wa biang ki mar wei i dor wow dai ya ki leh u man i katkam wa da booh neibynta ki paidbah.
Neiliang ka Ministry of Home Affairs (MHA), katkam ki kyndon hapoh ka Disaster Management Act, da ebor ko wow chna wei wow pynmih, u kit wa kiwi ki kaam wa yatoh wa ki mar baam, ki dawai wa ki tiar sumaar.
Chooh chooh neiliang ka Ministry of Consumer Affairs, Food & Public Distribution, Government of India, da ebor ko ya ki sorkar jylla wow pynmih hukum hapoh ka EC Act, 1955 deiwa pynyinsur ya ki kyndon khamtam, wa yatoh wa ki mar wa emkaam.
Kiwon kiwon kiwa leh pyrchah ye ki u chah pynchitom hapoh ka aiñ EC Act heiwa ye ki u chah kset hadooh 7 snem namo wa ka kuna. Ye leh u kem ya kiwa leh pyrchah hapoh ka aiñ Prevention of Black-marketing and Maintenance of Supplies of Essential Commodities Act, 1980.
Discussion about this post