Jowai: Ynne ka sngi heipor wa wan booddien u montri ka chnat i chait i khiah ka jylla, u AL Hek ya i pynkhreh wow yakhun ya u COVID-19 ha Civil Hospital, Ialong hawa yaklam wa kiwa pathai khubor hajrong i duna ki tiar yada namo ki Personal Protective Equipment (PPE) neibynta ki wakreh ka chnat wow sumaar ya kiwa yoh COVID-19, da ong u wa yeini da yaklam bha ka sorkar jylla.
Neiliang u Director of Health Services (DHS), u Dr. A Warr da pyntip u wa katwa dang yoh ya kini ki PPE da saam cha waroh ki thaw sumaar wa em ha ki District ka jylla.
Heiyatoh wa ki Thermal Scanner wa ki Non Touch Thermometer, u Dr. Warr da ong u wa da phah ya ki wei katni dang em ki ha luti wei mar yoh ya ki daw saam ya ki cha ki District.
Da pyntip u leh wa ha Jowai daw yoh ki ya ar tylli ki Ventilator wa san tylli ki By Pass kiwa man ki kor wa emkaam wow sumaar ya kiwa chitom.
Discussion about this post