Jowai: Ka dorbar chnong Mynthong, Jowai hadien wa da dep e yarap ko T. 30,000 cha ka Chief Minister’s COVID-19 Relief Fund, ynne ka sngi won da chim ko yaka laad wow e yarap yaki paaid chong chnong deiwa pait ya kitu ki manyung wa rap duna i yoh i kot, ki wym yoh de u li khih mylla ha kam kini ki por wa pynkrehkam yaka Curfew kawa man chibynta wow yakhun ya u khñiang kjut COVID-19.
Ha kani ka kynti ka dorbar chnong da yoh laad ko wow jied chwa yaki 65 tylli ki man yung wei neini chaphrang leh daw pait bniah chooh ko neibynta u pteiñ ya kiwi won ki wym pu em yoh bynta.
I yarap wa ka chnong da e ko kynthup u khoo, phniang, dai, blooh, slacha, chini waka pylleiñ.
Yeini i e yarap da pyllut naka poisa (Fund) ka chnong wei kamjooh leh lyngba i e yarap naki kattu katni ki bru waheh ka chnong.
Chwa ini da yoh i klam tbian na u waheh chnong u L. Pohktai, i pynche wa tbian heiyatoh waka thong yong ka sorkar ha kam kani ka por, kynthup leh nadooh ka Social Distancing da u A. Laloo, Adviser ka chnong.
Ha kani ka sngi nalor ki man yung wa yoh yarap da emlang leh chirup ki dkhot yong ka dorbar chnong.
Discussion about this post