Shillong: Ka sorkar jylla da booh ko boon tylli ki Relief Camp namo ki thaw sah wa chipor neibynta kiwa khih mylla wa wan na kiwi tawon ki jylla wei ya kini ki thaw da booh aw jan ha waroh ki District ka jylla.
Neiliang u Symbood Montri Rangbah ka jylla, u Prestone Tynsong da pyntip u wa em palat 2000 ngut kiwa khih mylla kiwa na baar ka jylla ya kiwa da booh kyrpang ha kini ki thaw sah wa kyrpang wa da pynkhreh da ka sorkar wei neibynta kini ki bru da pynkhreh ya ki mar baam wei da booh leh ya ki bru wow pait bniah ya i chait i khiah yong ki.
U Prestone da ong u leh wa kini ki thaw kynthup ki ya ka East Khasi Hills 7 tylli, West Jaiñtia Hills kawi, East Jaiñtia Hills 3 tylli, South West Khasi Hills kawi, East Garo Hills kawi, North Garo Hills 2 tylli, Ri-Bhoi 2 tylli katwa ha West Garo Hills won 8 tylli.
Discussion about this post