Da kut i pyrhaw da kut i rakhiang,
U bru pyrthai da chong pyrkhat biang,
Wa u slap nyngkong da wan hiar,
Yoh ka pyrthai u miat yirngam biang.
Da toh i por ya i kattu,
Yow khreh u tayar ka wait u wakhu,
Yow pynkhooid lyngkha noh i kattu,
Yoh u sdang u pyntoh pynbiang wow rep u riang.
Hajrong yong pha a Bei Rym-Aw;
U thung u tep hajar jait ki symbe,
Da ngooh da dem kamwa leh man u snem.
Yeini waroh da sdang chwa na Yung Langdoh.
A Bei Rym-Aw khyrkhu khyrdoh,
Ya ki jait wa da thaw wa im waroh,
Yow yoh ki u heh u san u phooh u krai,
Katkam ki hukum ki Adong Blai.
Maap ya nga boi em i lait i bakla,
Kam u bru dang boon i duna;
Wan pynyoo pynkdaw cha wa thiah wa chong,
Yow lait kiwa boon wa lang u klam u ong.
Discussion about this post