Ynne ka 10 tarik da man ko ka sngi wa kyntang yaki Khristan kawa haap leh haka sngi Good Friday wow kynmoo tympang yaka sngi wa sah narphna ya u Jisu Khrist ha u loom Calvary.
Ha ki por wa nachwa, ka Good Friday da man ko ka sngi wa pynman yaseiñ ha waroh ki Balang heiwa ki yungmane da man ki kiwa dap wa chlai, tangwa neidaw ka khlam u COVID-19 da pynkrehkaam yaka Lockdown hapoh ka ri wei hapoh ka jylla Meghalaya da em leh saka Curfew hajrong ka Lockdown, kamjooh da khang leh wow pynman yalang paidbah waki yalang niam.
Kamtæ hapoh kiwa booh ki chnong ki thaw kamjooh ki Balang deiwa pynemkaam ya i bor ka Internet da ye wow pynpoi cha ki thlu yung ki yung ki sem ki para wa ngait yaka khubor Good Friday yow pynsñiaw yei sñiawngooh yeiwa e u khon u Blai yei mynsien yong oo yow sait yei pap u bru.
Da em ki Balang wa leh da ka Live Telecast lyngba ki Cable Network, em kiwa leh lyngba ka Facebook wa YouTube wei ini kynthup leh hadooh ki Dorbar Chnong wa da leh ya ini.
Em leh ki yung ki sem kiwa pynman yaka yaseiñ ha yung yong ki hi wa kiwa da yalang haki Mobile Phone wa ki TV yong ki yow kynmoo ya kani ka sngi wa tympang ki Khristan.
Discussion about this post