Jowai: Kam chibynta wow e yarap ya kiwa dooh wa duk wa rangli, ka Meghalaya People United Front (MPUF) Khliehriat Circle, ynne ka 11 tarik, hapoh i yahkhmat u President u Kyrshan Blah deilang wa u Secretary u Thawlad Lyngdoh deiwa emlang ka Ebiangmi Muktieh kawa emkti lang, da saam ki da u khoo cha ki 15 tylli ki manyung wa dooh kiwa chong chnong yong ka Pamrakmai kawa hapoh ka East Jaiñtia Hills District.
Ynne ka sngi da emlang leh u waheh chnong ka Pamrakmai u Lukas Shylla, u General Secretary u Iaikiewbha Rymbai wa kiwi de.
U Blah hawa klam da ong u wa neiliang ka seiñ daw pteiñ ko wow yarap ya ki bru katwa ye i bor ha kam kini ki por wei kyntu u leh ya kiwa chong chnong kiwa dooh ki wym ye ka seiñ wow yarap ym toh wow dooh kyrmen ki.
Da kyntu joor leh ya u DC uwa man u khlieh ka District wow yarap ya kiwa toh hok wow yoh i yarap kam ha kini ki por.
Discussion about this post