Ka Lechka Fishing Association (LFA) kawi na ki seiñ kawa kreh wow pynneh pynsah ya ki doh-um ha ki wah ka thaaiñ Lechka, ha i miet ka 9 tarik heipor kamwa 10:00 waje da hiar ko cha Wah Lamu hapoh i yahkhmat u President wa u General Secretary ka seiñ, u Early Lyngdoh wa u Hopefull Nongtdu chirup wa kiwi ki dkhot ka seiñ.
Ini i hiar toh hadien wa yoh yutip ka seiñ wa em ki bru heipor synyaaw kiwa hiar cha ki liar ka Wah Lamu hei miet i synyaaw wei ki dkhot ka seiñ da hiar ki ha ki khloo ki synrang wa jrong hadooh kjamwa 400-500 phut.
Ha ini i hiar, ka seiñ da chem ko ya ki 8 ngut ki bru kiwa beh khroh wei na kini ym chem wow rah ki ya kiwon kiwon ki dawai wow tynyap khiar ya ki dakha.
Kamtæ neiliang ka seiñ da kyrpaad ko ya ki wa ymhoi u hiar ki cha kani ka thaw deiwa pynkynmoo leh wa lada chem ya kiwa tynyap khiar ya ki doh-um dohwah daw daiñ kuna ya ki hadooh T. 50,000 wei wow ekti ya ki cha ka aiñ wei kamjooh leh ya kiwa pyntip daw e sñiawbha hadooh T. 40,000.
Discussion about this post