Jowai: Ki paaid wa chong chnong ka Sohmynting West Jaiñtia Hills District, pynsñiaw ki ya i sñiawngooh wa khroo ya u MLA u Wailadmiki Shylla hajrong i chimkhia yong oo wow e yarap da u khoo cha ki manyung wa em hei tymbuiñ i duna wei jynjar baam neidaw wym yoh de ki u li khih li khan hadien wada khut pynman yaka Lockdown hapoh ka District ka jylla waka ri hi waroh kawi.
Ha kani ka chnong u MLA da pynlait khoo u kamwa 50 churia, wei da em hadooh kamwa 300 tam ki manyung wa yoh yarap.
Yei rukom saam da e kat ya kiwa wan diang khoo, tangwa kitu hi kiwa rap emlaad ym em hi u wan ki, neibhah wa uni u khoo leh da mang kyrpang du neibynta kitu ki manyung wa dooh hok wei wym emlaad de deiwi tawan.
Heijooh i por e haroh ki i kyrkhu kyrdoh ya oo yow nang ye chooh chooh u wow theh i yarap cha kiwa dooh wa duk heipor wa emkaam ki.
Discussion about this post