Ka sorkar pyrdi da pynbna ko ya ki kaam wa yatoh wa ki manyung wa dooh hapoh ka Pradhan Mantri Garib Kalyan Yojana (PMGKY) kam chibynta wow yarap ya kiwa da chah ktah nei em ka khlam u COVID-19. Hapoh kani ka Yojana, da saam mynkna ya ki kum LPG Refills cha kiwa yoh myntoi na ka Pradhan Mantri Ujjwala Yojana (PMUY) neibynta 3 bnai nadooh u Naitung (April) hadooh u Naiynru 2020.
Hadooh wa man ynne ka sngi ki Oil Marketing Companies da thap (transfer) ki hadooh T 5,606 klur ha ki account yong ki 7.15 klur ngut ki bru wa yoh myntoi na ka PMUY khnang wow yoh mynkna ki ya ki kum LPG Cylinder hapoh ka PMGKY. Ha uni u bnai da leh Booking leh hadooh 1.26 klur ki kum wei na kini da ye u pynpoi hadooh 85 lak tylli ki kum cha kiwa yoh myntoi na ka PMUY.
Hapoh ka ri da em 27.87 klur ngut kiwa pynemkaam kum LPG wei du hapoh ka PMUY da em ki kamwa 8 klur ngut.
Nadooh wa sdang ka Lockdown, kamwa 50 hadooh 60 lak tylli ki kum da pynpoi man ka sngi cha ki yung ha waroh ka ri.
Waroh kiwa pynemkaam kum chet LPG hapoh ka PMUY hadooh ka 31-03-2020, ye ki wow yoh myntoi na ka PMGKY. Kani ka Scheme toh kawa da sdang ha ka 1 Naitung wei u pteiñ ko hadooh ka 30 Naiynru 2020.
Hapoh kani ka Scheme, ki Oil Marketing Companies da thap poisa ki ha i dor uwi u kum LPG wa 14.2 kg namo uwa 5 kg cha ki bank account ki bru wa yoh myntoi na ka PMUY. Ki bru ye ki leh wow pynemkaam ya kani ka poisa wow thied kum LPG wa da dap.
Discussion about this post