Kiwa yap hapoh ka ri USA da tam ki 20,000 ngut na u khñiang COVID-19 katkam wa kheiñ daka Center for System Science and Engineering (CSSE) ka Johns Hopkins University.
Kiwa da yoh ya uni u khñiang da em ki palat 5 lak ngut iwa pynman yaka USA ka ri wa boon dooh kiwa yoh ya uni u khñiang kamjooh kiwa yap.
Du ha kini ki 24 kynta wa da lai da em 1,920 ngut kiwa yap iwa duna yaka 24 kawa nachwa heiwa da em 2,108 ngut kiwa yap.
Ka New York State man ko kawa chah ktah dooh heiwa da em hadooh 8,627 ngut kiwa yap du haka pynbood saka New Jersey 2,183 ngut waka Michidan 1,276 ngut.
Kiwa da chait da em ki kamwa 30,000 ngut.
Kiwi ki ri won kiwa da chah ktah bha toh ka Spain kawa da em palat 1.6 lak ngut kiwa yoh ya uni u khñiang, ka Italy 1.5 lak ngut, France 1.3 lak ngut waka Germany 1.2 lak ngut kiwa man ki ri wa da em palat chi lak ngut kiwa yoh ya uni u khñiang khlam COVID-19.
Discussion about this post