Ka pyrthai waroh kawi ha kini ki sngi da em ko haka yaleh thma wa joor pyrchah yaka khlam COVID-19 heiwa em i tieñ i khuslai wa i artatien yaka mynstep ka man kawi.
Ynne kawa man leh ka Easter Sunday, kiwa chong chnong ka Northeast deilang waka ri da ya ksohkti lang ki waka jylla Meghalaya yow ngooh Blai yow paan yei kyrkhu na u Blai wa i bor wa ha kam kini ki por yow ye u yaleh wa ini i eh wada warah ka khlam COVID-19.
Neiliang u montri rangbah ka jylla u Conrad Sangma da pynman u daka “Meghalaya Prays” kawa da pynyoo paidbah lyngba ki TV Channel wa haki Social Media ynne i miet heipor 6 waje deiwa rwai leh ya i sur “Amazing Grace” wa “How Great thou art” deiwa ksohlang waki mombati.
Ka Easter Sunday toh ka sngi wa da khai im biang u Jisu Khrist na wa yap kam ka dak wa jop ya waroh iwa sih yow e yei kyrmen wa i che cha ka pyrthai iwa katni emkaam ha kam kini ki por.
“Ynne ka Easter Sunday, i ngooh Blai wa ki rwai ngooh Blai wa da leh i, yooluti wei ngait O wa daw pynyoh bor ko ya waroh. Sñiawkmen O leh wa ini i ngooh Blai da man ko kawa lai bait, ” da ong u Conrad Sangma.
Hawa pynsñiaw yei sñiawngooh ya waroh kiwa chimbynta lang ha ini i ngooh Blai, u Conrad da ong u, “Kani man sakhiat ko i kyrkhu ya i waroh wei da wanrah lang ko yaki bru na kiwa boon ki jylla kamjooh na kiwa boon ki bynta ka pyrthai. Kwah O wow e khublei ya waroh kiwa da yarap ya nga wow pynman ya ini iwa jop kamjooh leh ya waroh kiwa chimbynta lang wei kiwa kyrchaan yow pyntikna wa kani ka khubor poi ko cha kiwa boon. Ka Easter Sunday kawa da kyrkhu cha phi waroh.”
Ya kiwa kwah u pait ya ini waroh ye ki wow lai ha kini ki link ha wah:
YouTube: https://youtu.be/OV2l4ZmFu_M
Facebook: https://www.facebook.com/conradksangma/videos/2801423909983767/
Twitter: https://twitter.com/SangmaConrad/status/1249304530602168321?s=20
Discussion about this post