Jowai: Ynne ka sngi u waheh chnong ka Maitdien wa ka Iongkynchur, u Daarphi Sariang wa u Marwos Suchiang da pynche ki hajrong i Video wa kam wa u MLA ka Mowkaiaw, u Nujorki Sungoh da tyngkheiñ u ya ka Lockdown wei da lai kem doh u.
Kini ki ar ngut ki waheh chnong da pyntip ki wa ini i poor kani ka Video da man i iwa bakla neibhah wei da jia i chwa wow krehkaam ka Lockdown.
Da ong ki leh wa u Nujorki da lai u cha kani ka thaw neibynta i kaam yong yung yong sem wei da yait u ha i thaw wa em ki wei da neh u du chibet chipor donhi neibhah ki dang pynkhooid ki ya kani ka wah.
Da kyntu ki wa kam kini ki bru (kiwa pynpoor wei daisarom ya u MLA) emkaam wow takit wei wow tih bniah wei wow chem yeiwa sakhiat chwa wow leh ki ya ki kam kini (wow pynpoor ya ki Video).
Heiyatoh wa ki ar tylli ki lakang, da pyntip ki wa da pynlait noh ya ki ha ka wah wa rap heh kawa em haneiñ kani ka thaw wa pynkhooid um neibhah wa da pynkhooid ya kani ka um toh wow lait ki kari u lai u wan.
Discussion about this post