Ynne ka sngi da man ko ka sngi kawa 20 yong ka Lockdown wa 21 sngi wow yakhun pyrchah ya ka khlam u COVID-19, wei man ko leh ka sngi kawa da wai noh ya ki dukan dai kiad hapoh ki district ka jylla.
Ynne da yoh u sakhi ya ki kattu katni ki dukan ha Jowai donhi heiwa ki bru da yang ki ya ki pali yong ki wow thied ya ki mar wa emkaam ki.
Ha Iawmusiang da sakhi wa ki dukan dai kiad da man ki kiwa da bood ya ki kyndon wa booh ka sorkar kam ka Social Distancing wei yeini da pynkrehkaam deiwa em ki dkhot ka Dorbar Chnong Tympang Iawmusiang Jowai wa ki kattu katni ki dkhot ka chnat Excise Department.
Hawa yaklam wa uwi na ki bru wakreh ha kini ki dukan da ong u i dai kiad da man i iwa lai bait khlem iwon iwon i awri wei ki mar katkam wa man hi toh kiwa da biang wei ym em iwon iwon leh i duna wei kamjooh leh neiliang yong ki leh yaleh ki wow bood ya ki kyndon katkam wa da booh ka sorkar.
Kam wow pynkynmoo heini ki dukan dai kiad ha West Jaiñtia Hills u man ki kiwa wai ynne ka sngi wa ka sngi Walang namo ka 15 tarik uni u bnai.
Discussion about this post