Shillong: Hadien wa em ki bru kiwa da pyntip cha ka sorkar wa da lai ki cha Bethany Hospital, Shillong, ynne ka sngi won neiliang ka chnat i chait i khiah khlem kheiñstiñ da lai thooh ko ya ki 72 ngut ki bru wow sylli (Examine) ya ki ha Shillong Civil Hospital.
Kini ki bru kiwa da pyntip ki cha ka sorkar toh kiwa kynthup leh ya kiwa lai emkaam wa ki wakreh ka Bethany hospital.
Katkam i ong u montri rangbah ka jylla, u Conrad Sangma da em kamwa 2,000 ngut ki bru kiwa da pyntip cha ka sorkar wa da lai ki cha kani ka thaw sumaar ka Bethany Hospital, heiwa ka chnat i chait i khiah da dep sylli namo test ko ya ki 90 ngut ki bru.
Neiliang u Surgeon Superintendent ka Shillong Civil Hospital uwa man leh u Joint Director ka DHS, u Dr. SS Nongbri da pyntip u wa hadooh wa man ynne i janmiet da lai thooh ya ki 72 ngut ki bru wow pait bniah ya i man i long yong ki.
Discussion about this post