Ka yalang wa kyrpang yong ka Union Public Service Commission namo ka UPSC wa da man ynne ka 15 tarik, da yaklam hajrong i eh i khoo wa da wanrah ka khlam u COVID-19.
Neidaw wa da pynkrehkaam ya ka Lockdown wa i emkaam wow jngai iwi na iwi namo ka Social Distancing, kamtæ da rai wa ki tarik wow man ki Interview, Examinations & Recruitment Boards, heiwa ki Candidate wa ki Adviser daw haap lai ki na kylleiñ ka ri kamtæ daw chong pyrkhat biang yeini neipor cheipor.
Da rai wa waroh ki Civil Services-2019 Personality Tests u man ki hadien ka 3 Naisan, 2020, hadien wa da pynkrehkaam biang ya ka Lockdown.
Ki sngi wow pynman ya ki Civil Services-2020 (Prelim), Engineering Services (Main) waka Geologist Services (Main) Examinations da pynbna ya ki wei lada emkaam daw chong rai won hadien wei yeini daw pyntip ha ka Website ka UPSC.
Ki Notice wow kyrriah tarik (Deferment) neibynta ka Combined Medical Services Examination, Indian Economic Service wa ka Indian Statistical Service Examination 2020 leh da phah ya ki.
Ki sngi wow pynman ya ka CAPF Exam 2020 daw pyntip ha ka website ka UPSC.
Ka National Defence Academy(NDA-I) Examination leh da kyrriah tarik hadooh wa da pynbna deiwi katwa yong ka NDA –II Examination daw pyntip ha ka 10 Naiynru, 2020.
Waroh ki rai yong ka Commission heiyatoh wa ki Examination, Interview wa Recruitment Board daw booh ha ka Website ka Commission.
Ka Commission da booddien ko leh yei chah ktah ka ri na kani ka khlam kamtæ da rai wa u Chairman wa ki Member ka UPSC u pynlait (Forego) ki 30% naka tulop wa yoh ki neibynta chi snem nadooh u Naitung (April), 2020.
Chooh chooh ki wakreh ka UPSC da rai ki wow e chi sngi na ka tulop wa yoh ki cha ka PM’s Citizen Assistance and Relief in Emergency Situation Fund (PM CARES Fund).
Discussion about this post