Ka India Meteorological Department (IMD) da pyntip ko wa daw joor u slap, ka la-ær, u kdur, ka lailieh hapoh ka jylla Meghalaya hadooh ka 18 tarik uni u bnai.
Uni u slap toh uwa daw joor khamtam ha ri-loom Khasi wa Jaiñtia wei ki paidbah toh u man ki kiwa da pynkhreh khamtam haka 15 tarik, 16 tarik wa haka 18 tarik.
Da pyntip wa ka la-ær wa hær hadooh 50-60 Km kamjooh u slap wa joor daw hiar ha ki kattu katni ki thaw ka East & West Jaiñtia Hills, East & West Khasi Hills, Ri-Bhoi wa East Garo Hills.
Ka 15 tarik, 16 tarik wa 18 tarik toh kiwa da booh hapoh ka Orange Warning iwa mut hap man kiwa da pynkhreh. Ka 17 tarik da haap ko hapoh ka Yellow Warning iwa mut daw pyntip biang.
Discussion about this post