Khliehriat: U District Magistrate ka East Jaiñtia Hills District da pynbna u wa da pynkrehkaam ya ki kyndon ka Section 144 Cr.PC chirup wa ka Regulation 3 yong ka Meghalaya Epidemic Disease, 2020.
Kamtæ da khang ya ki bru wow yalang ki palat 5 ngut ha kiwon kiwon ki thaw paidbah lait ha yung ha sem, i pynkrehkaam ya ki kari kamai wa ki yong ki bru samen, i pynkrehkaam ya ki yaw heh.
Da khang wow lai ha ki thaw paidbah khlem ki Mask namo wow mynthu ha ki thaw paidbah.
Kani ka hukum ym krehkaam ko ya i pynkhreh namo pynbiang tiar ki dukan namo ki Fair Price Shop ki wow wai nadooh 10 waje i step hadooh 5 waje i janmiet.
Neibynta kiwa dailang namo ki dukan wholesale ka Lad Rymbai Pyllun, Khliehriat, Sookilo wa Umpleng ki wow wai nadooh 2 waje i sngi hadooh 4 waje i janmiet khnang wow ye ki tre dukan u wan thooh mar na ki chnong.
Chooh chooh ki Waheh Chnong u kreh ki wa ka District Police manda wai ki dukan ha ki chnong yong ki khnang wow ye u bood ya ki kyndon ka sorkar.
Heijooh i por kani ka hukum ym krehkaam ko ya kiwa da pynbna chwa ha kini ki sngi wa dadep wei da kynthup thymme won ya ki TV Channel & Supporting Service kam ki Teleports and DSNGs, DTH, HIT wa ki tiar wa emkaam ki, ki FM, CRS Network, Network of MSO, Cable Operator wa ki News Agencies wei kini waroh toh u bood ki ya ki kyndon kam ka Social Distancing.
Waroh ki Curfew Pass da pyndam (Suspend) ya ki, lait na ki Essential Services, Government Servant on Official Duty, Public Distribution System (PDS), Goods Carrier, Headman Car Passes (On Emergency Only), Medical Emergencies wa kiwi kiwi ki kaam wym toh u sangeh.
Discussion about this post