I sñiaw para bru da dooh i ki,
Neipor cheipor dang joor ko ha i.
Ymtip yong yi wa toh yong yi wa lait,
Du iwi donhi Aa Blai yeini to pynlait.
Yeiyi u ong yei yi u kynnoh?
I sñiaw, du kiwa em bor waroh.
I long i man da sñiaw heh sñiaw kmai,
Kat u yoo ympu tip wot tang u kaap u lai.
Da im sa du hei kdaw kti wi yei wi,
Tang ymtip won i waroh uiñ i pyncha i,
I naam ka jylla i kam kawa tip Bru tip Blai,
Tang napoh sadu i sih wa kyrhai.
Thooh sadu yei bakla kiwi,
Yei bha ym pyrchang i ki.
Hawa ymtip yei pap yei hok,
To yn man noh i kiwa chong khop.
Kat chawa pait, su ki wym dap wym biang,
Da thylli u kchu wa ka siang,
Ymhoi u ya kusa u ya lang’a,
Neibhah ini daw yah i cheiwa bakla.
To yn ya tylli noh kattu para i,
Kat wym pu dier i por ya i.
To hun, kat kam wa pynlai ka sorkar jylla,
Khnang wow lait i rta pyrthai, u makna.
Discussion about this post