Ynne ka sngi man ko ka sngi kawa 24 nadooh wa sdang wei pteiñ ya ka Lockdown hapoh ka ri waroh kawi wow yakhun pyrchah ya ka khlam u COVID-19 uwa da ktah ya ka pyrthai waroh kawi.
Ha kani ka sngi nadooh i step synyaaw u slap da man u uwa joor wei hanla kattæ leh ki khon ki dorbar chnong waphær waphær da chim ki ya ka lyngkor wow yada ya ka chnong yong ki na kani ka khlam deiwa pyntikna wa krehkaam pura ka Lockdown.
Ynne i janmiet, ha Jowai da yoh u sakhi wa ki khon ka dorbar chnong Lion Mission Compound, Jowai da yieñ ki wow sonteri ya ki thaw psiah chapoh u pood u ang ka chnong wei khnang wow yada ya ki na u slap wa ka la-ær da sap ki ya ki sula plastic heipor wow pyndep ki yeini i kaamram yong ki.
Kini ki khon ka chnong da yieñ ki ha ki thaw psiah chapoh u pood ka chnong wei da pteiñ ki yeni i sylli i takit ya ki kari wa lai wa wan khlem em iwon iwon i wit i thut.
Kini ki sula toh kiwa da e yarap sñiawbha da ka Rithelma Passah wei da pyntip leh wa hadien wa pynemkaam ya ki da sait wei da thaad ya ki khnang wow ye u pynemkaam biang ya ki lada jia wa slap ha ki sngi wow wan.
Discussion about this post