Ki paidbah ka East Jaiñtia Hills wa chem chitom ha ki mar baam ye ki u pyntip cha ki waheh chnong

Ynnin ka sngi ka seiñ JSM-ER ryngkat wa kiwa yahkhmat ka JSM Central Body da yachem ki wa u DC ka East Jaiñtia Hills District wow yaklam hajrong i baam i dih wa emkaam ha ka District.

Ka seiñ da kylli ko hajrong i rukom pynbiang mar baam ha EJHD heiwa neiliang u DC da pynche u wa cha ki thaw wa rap jngai na ka Headquarter katwa tip neiliang ka Office yong oo da yaleh ki u pynbiang katwa ye katwa cha kiwa ympu yoh ye ki wow pyntip cha ki waheh chnong.

Kamtæ ka JSM hapoh i yahkhmat u Shnalad Rymbai, President JSM-ER da kyntu u ya ki paidbah ka District wa lada chem chitom ki ha ki mar baam wow pyntip cha ki waheh chnong wei lada ym chimkhia ki tæ pyntip cha ka seiñ næ cha u DC ka District.

Da pyntip u leh wa ha kini ki sngi wow wan daw lai cha ki chong wa chem chitom ki paidbah wow e yarap ya ki.