Jowai: U DC ka West Jaiñtia Hills District da pyntip u wa kam chibynta wow yada nei poor u khñiang khlam COVID-19 hapoh ka District waka jylla waroh kawi. Hapoh ka Section 144 Cr.PC deilang waka Regulation 3 ka Meghalaya Epidemic Diseases COVID-19 Regulations 2020 da pynkrehkaam biang yaka Curfew ha West Jaiñtia Hills District nadooh pyrdi synyaw ka 19 tarik hadooh pyrdi synyaw ka 24 tarik uni u bnai.
Da khang wow yalang palat 5 ngut ki bru ha chi thaw lait noh ha ki yung ki bru samen, u pynkrehkaam yaki kari kamai, u wai yaki yaw ki haat, u mih cha lait khlem da deiñ yaki Mask wei wow mynthu cha ki thaw paidbah.
Kani ka Curfew ym ktah ko ya kiwa em hapoh ki Security Forces, Medical Teams wa em duty, Wholesale & Retail Pharmacies, Police & Armed Forces, Fire & Emergency Service, MeECL & Power Grid, Food & Civil Supplies Department, Jowai Municipal Board, Telecom, Communications & IT Services waki CSC, Print & Electronic Media, ki wakreh sorkar (Government Official on Duty), ki Bank wa Treasury.
Ym khang leh yei lai ki kari wa kit yaki mar wa emkaam (Essential Commodities), kiwa kit LPG Cylinders, Security Forces, Medical Equipment kiwa lai lyngba ki National Highway. Tangwa ya kiwa yah kari wa kiwa yarap yaki hap ki wow leh yaka Medical Screening katkam ki kyndon wa da booh.
Kani ka hukum ym khang ko yeiwa da pynbait wow wai dukan ki Fair Price Shops, ki dukan wa da jied haka sngi Wednesday wa Saturday nadooh 9 waje i step hadooh 4 waje i sngi katwa yaki Wholesalers u chah u leh ki yei kaam yong ki haka sngi Tuesday wa Friday nadooh 9 waje i step hadooh 4 waje i sngi.
U District Magistrate da pyntip u leh wa waroh ki Curfew Pass wa da e chwa ka 16th April, 2020 u man ki kiwa da chah pyndam nadooh 19 tarik hadooh pyrdi synyaw ka 24 tarik uni u bnai wa krehkaam ka Curfew.
Discussion about this post