Ki soo samoi yong ka pyrthai,
Jar i por, wada booh da u Blai,
Ymye u ksoh, ymye u kdoh,
Talung ki, heipor wa toh.
Waroh ki mar wa thung næ ki mrad,
U tip ki yeini, da kyrkhu i stat,
U sñiawthooh ki, yei kylla ki por,
Yoh u pynkhreh ki, jar jiar i bor.
Ki deiñ wa haap sla, ha i tlang,
Hadien, pynmih ki u soh wa bang,
Ki syntu wa krai ha ka pyrem,
Hun ki u phooh, chisien chisnem.
Ki mrad wa paar, ki sim wa hær,
Tip ki, cheiwon beh ka laær,
Ki tkhu wa yaleh u pynlang baam,
Ymtoh neidaw wa poi ka khlam.
I kjut pyrthai, wymye u lait
Yoh u sñiawthooh i ki i chait,
Hei tlang jooh ood i wa dait bit,
Hei layur iñdoh neidaw wa chit.
Manda toh por, u kylla ka pyrthai,
Kam ki bru, ymtoh u khuslai,
Khon ka rymaw, to pynchkeh,
U yoh i dei chait synrum-synreh.
Discussion about this post