Ha jylla Assam ynne da em sa 5 ngut kiwa chait kiwa da pyntikna hadien wa leh yaki Test wa ym em de ki ya u khñiang COVID-19.
Ya ini da pyntip da u montri ka chnat i chait i khiah ka Assam u Himanta Biswa Sarma heiwa soo ngut toh kiwa da yoh u mih na thaw sumaar MMCH wa kyntup ya u Md Shahrukh, Mafizuddin, Zamila Khatun wa u Md Asraf Ali. Kini toh kiwa da dep Test soo sien wei da chem wa ym em de em ki ya u khñiang COVID-19.
Sa uwi uwa da chait toh uwa chah sumaar ha GMHC uwa tip kam u Manish Tiberwal uwa na Kamrup uwa da dep Test soo sien wei ym em de u ya uni u khñiang.
Kini kiwa da yoh u liwan yung da hap ki wow leh saka Home Quarantine.
Kamwa man kattæ ha Assam kiwa chait da em ki 17 ngut, kiwa dang em ya uni u khñiang em ki 16 ngut wei da khlaad uwi.
Neiliang u Sarma da pynsñiaw u yei sñiawkmen wa kattæ da boon kiwa chait bar ya kiwa em ya uni u khñiang ha Assam.
Da e khublei u leh ya waroh kiwa sumaar ya kini kiwa da leh yei kaam wa bha tam.
Discussion about this post