Shillong: Ka sorkar jylla da yoh pdiang ko hadooh 2,15,529 tylli ki application na kiwa mylla wow yoh yarap bai nongsngi ha i dor T.700 chitayaw, wei na kini, ka sorkar da dep ko wow jied 1, 80, 574 tylli wei ya kini leh dang bichaar bniah hachwa wow pynlait noh ya ka poisa.
Hawa yaklam ynne ka sngi wa ki laad pathai khubor, u Symbood Montri Rangbah ka jylla, u Prestone Tynsong da pyntip u wa hadooh ynnne i thap ya ki pyrtuid ym pu em kut, tangwa ka sorkar dang bichaar ko chwa wow pynlait ya ka poisa da ka chnat Labour.
Da pyntip u wa kiwa chah kyntait na kani ka yoh myntoi toh kitu kiwa yoh khoo ha i dor wa duna wa kiwa yoh mynkna 5 kilo ha waroh le bnai, kamjooh kiwa em ya ki Job Card.
Hawa yatoh wa kiwa mylla kiwa da dep em pyrtuid ha ka Meghalaya Building and Other Construction Act, ya ka poisa wa T.3000, da dep wow pylnait neibynta 3 tayaw, katba ya ki warep wa chah kynthup ha ka PM Kisan Yojana kiwa em 44, 692 ngut, da dep wow pyllait ya i yarap.
Discussion about this post