Shillong: Ynne ka sngi kiwa uiñke suwari kiwa wan na United States of America (USA) da yoh ki wow mih noh napoh ka jylla Meghalaya yow liwon cha ki thaw wa wan ki. Kini kiwa uiñke suwari kiwa em hapoh 20 ngut da sahkut ki ha kani ka jylla hadien wa pynbna ya ka Lockdown ha ka ri India waroh kawi.
Hawa yaklam wa ki kattu katni ngut na ki, da pyntip wa i mih noh yong ki ynne ka sngi toh hadien i pynbait lang wa ka sorkar, heiwa da pynbiang leh ya kawi ka Bus wa ki pulit wow yada yaki. Da pyntip leh wa na Shillong daw lai ki cha Kolkata, wei daw mih won ki cha USA da ka lieñsuiñ na Kolkata.
Da pyntip wa ini i rai yong ki wow liwan noh cha chnong toh hadien i pynbna u President ka USA, u Donald Trump wow pyndam noh yaka Lockdown ha katai ka ri.
Ha i jooh i por kini kiwa uiñke suwari kiwa em napyrdi yong ki kiwa da sah ha kani ka jylla nadooh Khonchonglad (Nov) 2019, da pynsñiaw ki yei budnood wow mih noh neini neidaw wa da yoh ki u yoo chiboon ki rukom wa bha wa i miat i thaw kamjooh ka nongbah Shillong.
Discussion about this post